طريقة عمل الشاورما في البيت , الله على عمايل الشاورما البيتي الرهيبة

مين فينا يا ناس مبيعشقش الشاورما يااالهوى علي جمالهم بتاكلى منها

بالخمس ست ساندويتشات و انتى بره مع اصحابك و بالتاكيد دى اشياء بتكلفك

جدا خصوصا انك يمكن تكونى مع اولادك و تطلبيلهم معاكى و احيانا و انتى برة

بيبقى نفسك تاكلى شاورما بس مش ضامنه نضافه برا اية بس الحل بسيط

سواء كنتى بتحبى الفراخ او اللحمه هقولك كيفية سهله فالبيت لعمايل احلي

شاورما بتجيبى اللحمه او صدور الفراخ و تقطعيها فالبيت شرايح رفيعه و تجيبي

طبق فية كوبايه زبادى و تحطى عليها لمون و خل و توم بودر و بصل بودر و ملح و فلفل اسود

وبابريكا و تخلطيهم علي بعض مع الفراخ او اللحمه و تسبيها فالتلاجه ليله او كام ساعة

وتحضرى بقا الخضار فلفل و بصل و طماطم حلقان و تشوحيهم في زيت في طاسه لوحدهم

وفى طاسه تانيه تحطى الزيت و عليها الشاورما و لما تستوى تحطى الخضار و تطفي

وتحضرى العيش السورى و تحطى علية طحينه او توميه و تملية شاورما و الف هنا.

المرأة العصرية