مش هتبطل تاكله , طريقة عمل البانية
البانيه من اكثر الاكلات السريعة و اللذيذة مفيش
بيت يقدر يعيش من غير بانيه و طريقته سهلة خالص
الاول هنجيب الفراخ البانيه و تكون مقطعة شرائح و
احطهم فى طبق ة اتبل بعصير نص لمونة و معلقة خل
و معلقة مسطردة و رشة ملح و رشة فلفل اسود و
رشة زعتر و رشة كارى و اقلبهم كويس و اسيبهم فى التتبيلة
مش اقل من ساعتين و بعد كده هجيب ٣ اطباق طبقى فيه
دقيق و الطبق التانى فيه بيضة و عليها رشة فلفل اسود
و الطبق التالت فيه فيجتار و اجهز طاسة على النار فيها
زيت عشان اقلى الفراخ فيها و بعد كده اجيب الفراخ
و احطها فى الدقيق و بعد كده فى البيض و بعد كده
فى الفيجتار و بعد كده اول ما الزيت يسخن احط الفراخ
فيها و اقلب على الوشين لحد ما تحمر كويس و اطلعها على مناديل
