الصراحة ملهوش اى ايجابيات, سلبيات الزواج المبكر
المقصود بالزواج المبكر هو ان البنت تتجوز بمجرد
ما تبلغ يعنى ما بين سن ١٢ عام و ال ١٥ عام و طبعا
ده سن صغير جدا ان البنت تكون مسئولة عن بيت و
اولاد و اول واحدة بتتظلم فى الموضوع ده هى البنت
نفسها بتتحرم من كل حاجة من انها تكمل تعليمها من
انها تعيش طفولتها و شبابها صحتها بتتعب بسرعة و
من الممكن لو حملت ان الجنين يشوه او يتوفى او هى
تتوفى فى عملية الولادة لسة رحمها صغير ميقدرش يشيل
جنين و عشان كده الحكومة خلت سن الزواج من بعد ال١٨عام
و لكن للاسف الكثير من العائلات فى بلاد الارياف و البدو
و الصعيد يزوجون البنت اما بالكلمة لحين ان تبلغ ال١٨ عام
و يبقوا يكتبوا شرعى و طبعا دى حاجة ضد القانون و
من الممكن انها تسبب الكثير من المشكلات و
خصوصا لو انجبت هذه البنت طفل